Vegvesenet samarbeidde med politiet – tok ein og annan syndar
Felles kontroll ved Svegatjørn onsdag.


Statens vegvesen hadde onsdag kontroll på Svegatjørn kontrollplass igjen.
I dag hadde dei med seg politiet.
Vegvesenet delte ut fem åtvaringar for brot på kviletida, fire bruksforbod for manglande sikring av gods og tre bruksforbod for massetransport.
– Det var snakk om store mengdar sørpevatn som rann ut av den eine dumperkassen, skriv vegvesenet i rapporten sin.
I tillegg blei det skrive ut 13 mangellappar og eitt gebyr på 1000 kroner for dårleg dekk.
Politiet sjekka 30 bilførarar for promille utan å finna noko å reagera på.
Men ein bilist som brukte handhalden mobiltelefon slapp ikkje unna. Vedkomande må ut med 10.200 kroner i tillegg til tre prikkar på førarkortet.
Ein annan blei observert utan bilbetle og må ut med 1500 kroner.