Lokal | 04. jan. 2021

To veker med litt heimeskule

Ungdomsskulane klarer ikkje å ta imot alle elevane på same tid.

To veker med litt heimeskule
Os ungdomsskule vil, som Nore Neset, ha delvis heimeskule dei neste vekene. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymåndag 04. jan. 2021 10:33

Elevane på ungdomsskulane i Bjørnafjorden kommune har fri i dag. Dei nye smitteverntiltaka regjeringa kom med i går, som gjeld frå i dag og to veker fram, gjer at starten på 2021 blir på raudt nivå.

Som konsekvens av dette blir det heimeskule enkelte dagar.

– Vi kan ikkje ha alle elevane på skulen samtidig. Detaljert informasjon til kvar klasse kjem frå kontaktlærarane i løpet av dagen, skriv rektor ved Os ungdomsskule, Kjersti Wolden, i ei melding i dag.

Os ungdomsskule har følgjande tilrådeing til elevane:

  • går rett til klasserommet når dei kjem til skulen
  • har matpakke som er pakka i matpapir. Kantina er stengt
  • held 1 meters avstand til kvarandre
  • ikkje blandar seg med andre kohortar medan dei er på skulen
  • ikkje er saman med andre på fritida, innandørs

Tilsvarande gjeld på Nore Neset ungdomsskule.

– Vi går tilbake til same system som i mai, eit system vi kallar 4-4-2, seier rektor Øystein Holmaas til Midtsiden.

Det betyr at kvart trinn får 4 dagar på skulen og 2 dagar på heimeskule. På Nore Neset startar 9. trinn med heimeskule tysdag og onsdag, mens dei andre to trinna møter på skulen til fulle skuledagar.

– Vi har store klassar. Når vi deler desse i to får vi omtrent 15 i kvar gruppe. Romma som blir ledige når eitt trinn held seg heime gir oss, saman med rom for praktisk undervising, nok areal til desse gruppene.

Skulane minner samidig om at ungar over 12 år må bruka munnbind på buss.

Første gong sidan mai

Alle skulane i Noreg hadde heimeundervising frå fredag 13. mars i fjor og fram til slutten av april og starten på mai.

Måndag 27. april var 1. til 4. trinn tilbake og måndag 11. mai var det 5. til 10. trinn sin tur.

Ungdomsskuleelevane fekk redusert tilbod gjennom mai, men 27. mai blei det opna for fulle klasserom frå 2. juni.

Sidan har det vore prioritert at ungar og ungdom skal møtast i skuletida, men no kjem altså minst to veker med heimeskule enkelte dagar i veka.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.