Handball | 16. feb. 2022

Ventetida er over

Ni kampar blei utsette grunna omikronbølga. Laurdag er første kamp på tre månadar.

Frå førre kamp, då Os slo Fana 2 39-29. F.v.: Karina Søviknes, Henriette Eeg-Sandtorv, Maren Evensen og Marie Storum Vik. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 16. feb. 2022 10:17

39-29 over Fana 2 søndag 12. desember er Os sin førre kamp.

Det var i vinter uvisse om korleis handballkretsen ville sveiva serien i gang igjen då det no opna for spel igjen.

Trond Budal i ein pause med damelaget i haust. No gler dei seg til å fullføra sesongen - på eitt eller anna vis. (Foto: Kjetil Vasby Bruarøy)
Les òg– Det kan bli eit rotterace

I førre veke kom svaret frå NHH Vest.

Etter spørreundersøking har kretsen gått inn for at det i utgangspunktet skal spelast full serie i 3. til 6. divisjon (både menn og kvinner).

Serien er utvida, siste kamp må gjennomførast 15. mai eller før.

– Vi har fri omberamming fram til 1. mars, og har fått mykje på plass. Det vi ikkje fikser sjølv set kretsen opp, seier Os-trenar Trond Budal.

Os-trenar Trond Budal har hatt travle dagar med å finna nye og passande datoar til flest mogleg av dei utsette kampane. (Foto: Kjetil Vasby Bruarøy)

Os har fått ni kampar utsette frå 12. desember til i dag.

– Grunna eksamen for fleire av spelarane til våren, prøver vi å få spelt siste kamp innan utgangen av april.

Opprinneleg var serieavslutting planlagt 9. april.

Tøff start

Os sin første kamp etter førre lockdown er førstkomande laurdag på heimebane.

Med kampstart klokka 17.40 tar dei imot serieleiar BSI.

– BSI har ingen tap til no, men speler vi optimalt skal vi kunna henga med, meiner Budal.

Os er midt på tabellen med 5 sigrar og 4 tap på 9 kampar.

– I desse dagar veit du heller ikkje kva tropp motstandar stiller med. Mange er sjuke. Sjølv har vi nokre som nyleg har vore ute med sjukdom eller skade, og eit par som er sjuke no i starten på veka.

– Men med full klaff så er alle klare til laurdag.

Os hadde tre sigrar på rad før jul. Då dei før pandemien i februar og mars 2020 hadde ei flott sigersrekke, var BSI eit av laga dei slo.

Emma Lyssand skåra fem mål i dag. Her i kamp mot Kjøkkelvik i januar, då Os mista leiinga i 58. minutt. (Foto: KVB)
Les òg– Ho skyt nesten hol i nettet

Tett program frå mars

I den oppdaterte terminlista, som i skrivande stund ikkje er heilt komplett, kjem neste Os-kamp først 6. mars.

– Det er først etter vinterferien at programmet tettar seg til. Men vi prøver å få ein kamp også torsdag 24. februar, dagen før siste skuledag.

Når ni kampar skal stappast innomellom og etter opprinneleg oppsett frå 6. mars til 9. april, blir det tett.

Men ifølgje regelverket kan kvart lag ha maksimalt tre kampar per veke.

Os er sett opp med kampar blant anna 12., 13., 16. og 19. mars.

– No gjeld det å halda seg skadefri og frisk, så vi slepp yttarlegare omberamming. Programmet blir tett, men det er kjekt at vi får koma i gang igjen, og at kretsen gjer eit forsøk på å gi oss full serie.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.