Heime i juli heldt Os nullen (bildet), i dag sleppte dei inn to mål på corner før kvarteret var spelt. (Foto: KVB)

– Vi blei for naive i dag

Os tapte borte for Djerv 1919.

Av: Kjetil Vasby Bruarøy

Heime i juli blei det 0-0 mot laget som leia serien gjennom vårsesongen, i dag hamna Os tidleg under.

– Vi starta ganske greit, men drog på oss nokre unødvendige brot som førte til angrep og to cornerar. Dessverre skåra dei på begge.

13 minutt ut i kampen låg Os under 2-0.

– Vi hadde Moldskred åleine på blankt mål før pause, men der hadde Djerv-keeperen ei fantastisk redning. 

Djerv 1919 - Os 3-1 (2-0)
Målskårar, Os: Marius Mikkelsen (53. minutt)

Os starta også 2. omgang bra.

– Men så slurva vi litt i offensiv markering, og dei fekk kontra, fortel Brenne.

To minutt ut i omgangen sto det 3-0. Fire minutt seinare reduserte Os, men det blei òg siste skåring i kampen.

– Gutane sto på kampen ut. Spelemessig er vi heilt på høgde med dei, men vi var i periodar litt for naive, og gjorde det vanskeleg for oss sjølv.

Frå 8. til 9. plass

Andre resultat har gått Os sin veg i denne runden. Fjøra slo Vestfossen 4-2, Bergen Nord held seg nest nedst på tabellen etter 0-6 tap for Fana fredag.

Brann 2 speler mot Sogndal 2 på måndag, og uavhengig av resultat vil eitt av laga gå forbi og skubba Os ned på 9. plass på tabellen.

Os ligg 5 poeng framfor Fjøra og 6 poeng framfor Vestfossen. Neste kamp går heime mot Bergen Nord.

 

Fleire saker