Bjørnafjorden Høgre hadde nominasjonsmøte torsdag kveld. Der blei Marie Lunde Bruarøy valt somordførarkandidat til kommunevalet 2023.
– Bruarøy var innstilt frå nominasjonskomiteen, og vart ikkje overraskande vald av eit samla nominasjonsmøte utan motkandidatar, fortel leiar for Bjørnafjorden Høgre, Kristin Søfteland-Larsson i ei pressemelding.
Dei øvrige kandidatane til Høgre si liste skal veljast på nominasjonsmøte i november.
– Eg er audmjuk og takksam, skriv Marie sjølv på Facebook etter valet.
![Marie under gårsdagens møte. (Foto: Privat)](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2F77e51f2a397e0d46ea7beb8f99c3a8e4bfd0a324-3600x2400.jpg%3Frect%3D0%2C121%2C3600%2C2159%26w%3D752%26h%3D451%26q%3D100%26dpr%3D2&w=3840&q=75)
Det er fjerde kommunevalet at Marie stiller som ordførarkandidat for Høgre. Ho har vore varaordførar i Os kommune i åtte år, og ordførar i nærare to år.
Også lokalpartileiinga er takksam.
– Vi er særs nøgd med at ho nok ein gong har stilt seg til disposisjon, seier Søfteland-Larsson.
– Marie og Bjørnafjorden Høgre er klar for å arbeida for eit borgarleg fleirtal etter valet neste haust.