– Vi var ganske solide defensivt

Os spelte laurdag årets andre treningskamp. I den første blei det 3-2 over Fana, også laurdag skulle kampen gå på Kuventræ, men i staden lånte dei Fana sin Nesttun Idrettspark.

Kampen gjekk mot Stord, som landa på 9. plass i Os si naboavdeling, der dei spelte mot blant andre Lysekloster og Fana i Norsk Tipping-ligaen i fjor.

– Det var ikkje ein spridlande kamp offensivt, men eg synest vi var det beste laget mesteparten av kampen, seier Os-trenar Endre Brenne etter kamp.

– Det var ei grei gjennomkøyring der vi var relativt solide defensivt. Det var også kjekt å halda nullen.

Os hadde ein sterk sesong i fjor, og landa på 3. plass, men har ikkje spelt utan baklengsmål sidan 5-0 over Oppsal 14. august.

Os - Stord 1-0 (1-0)
Målskårar: Daniel Kvalvågnes

Os: Kasper Færøvik - Anders Havsgård, Szymon Walczak, Petter Hilton - Jonathan Mjånes Lund, Torgeir Lunde, Lukas Einarsen Olsen, Sverre Spangelo Haga - Henrik Tysse Sperrevik, Daniel Kvalvågnes og Kaspar Klett Døsen.

Innbytarar med speletid: Magnus Spangelo Haga, Henrik Berge, Filip Fjellberg og Thomas Spilde.