Fotball | 11. mai 2023

Vidare til tredje runde i NM

– Vanvittig stemning i garderoben etterpå!

Vidare til tredje runde i NM
Sverre var sentral då A-laget slo Fana i april. I dag sette han inn 0-2 for juniorlaget mot Fana. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 11. mai 2023 21:25

Os spelte torsdag kveld andre rund i NM for gutar 19.

Kampen gjekk på bortebane mot Fana.

– Det blei ikkje ein fin kamp, men ein veldig fin kamp å vinna, seier trenar Stian Kvåle.

– Mot Fana blir det ofte litt meir duellar og knuffing. Dei var ganske direkte i spelet, utan at dei klarte å skapa så mykje på den måten. Men dei hadde litt trykk på oss inn mot pause, og fekk ein stor sjanse der dei skot over.

Os heldt likevel buret reint.

– Vi gjorde nokre justeringar etter pause, og då slapp vi dei omtrent ikkje til i det heile tatt.

– Det var rundt 20 osingar på tribunen med flagg og musikk allereie ein halvtime før start, og veldig god stemning i garderoben etterpå! fortel trenaren.

Fana - Os 0-2 (0-1)
Målskårarar: Kaspar Klett Døsen (11.) og Sverre Spangelo Haga (65.)

Os: Nemanja Masic - Henrik Johan Ognedal Berge, Martin Lund Hunnes, Aksel Fredriksen Lunde - Jonas Jordalen, Jonathan Mjånes Lund, Vebjørn Fykse Haga (kaptein), Oliver Mathias Hope Rasmussen - Sebastian Plätzer, Magnus Spangelo Haga og Kaspar Klett Døsen

Innbytarar: Sverre Spangelo Haga, Sondre Førde Valle, Filip Fjellberg, Kristian Dymarczyk, Henrik Haldorsen Bakke, Fredrik Strønen Skeie og Emil Haugland.

Når alle har spelt andre NM-runde står det 32 lag igjen.

Frå bergensområdet var det 8 lag som hadde tatt seg til andre runde, og alle er ferdig spelt:

Askøy - Brann 1-3
Bremnes - Stord 2-3
Fana - Os 0-2
Åsane - Voss 4-0

Tredje runde skal spelast innan 29. juni. Kven som blir motstandar er enno ikkje avgjort.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.