Sport | 23. des. 2021

Vil du i skiheisen i jula?

Vêrmeldinga ser god ut. Kven har ope?

Luftig tur ned frå Horgaletten i årets påske. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 23. des. 2021 10:21

I slutten av november kom det snø også i låglandet, men etter nokre dagar med kvitt på bakkane kom mildvêr, regn og vind.

Det sette Eikedalen og Furedalen nokre steg tilbake, men no byrjar det å nærma seg også i Samnanger og Kvam.

Eikedalen hadde ambisjon om å opna barneområdet i helga som var, men fekk det for varmt til å produsera nok snø.

– Men vi håper å kunna opna Veraheisen og Tobiasheisen i jula, skriv Eikedalen på heimesidene sine.

Det er meldt sol, opphaldsvêr og svak vind frå i dag til og med søndag, overskya måndag og snø frå tsydag kveld.

Også i Furedalen treng meir snø for å opna.

Eikedalen opnar ny heis denne sesongen. Den nye T-kroken tar deg mot det som tidlegare var toppen på stolheisen, mens stolheisen er stengt også denne sesongen for seinare opning av ein ny og kortare stolheis som er meir eigna for å driftast større delar av sesongen.

Årets løypekart i Eikedalen, utan stolheis, men med ny t-krok til same topp. Neste år kjem kanskje ny stolheis i drift.

5 + 4 heisar på Voss

Voss Resort og Myrkdalen har heisar i drift.

Ifølgje deira eigne Facebook-sider ser det sånn ut i dag:

Voss Resort: Me køyrer Ekspressen, Voss Gondol, Grebbesbakken, Badnakrokjen og Trollbakken. Familieløypa, Barneområda, Alphaløypa og Storslalomløypa er opne.

Myrkdalen: Vetlajolaftan kl 06:30 er det -7 grader, lett bris og skyfri himmel oppe. Nede er det -4 grader og flau vind. Myrkdalsekspressen, Landsbytrekket, Mikkeltrekket og badnabandet opne.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.