Vil ha ny ferje

Fylkesordførar Torill S. Nyborg (KrF) krev styrka kapasitet på Halhjem - Sandvikvåg.

Kjetil Vasby Bruarøytirsdag 23. juni 2009 22:02

Fylkesordførar i Hordaland fylkeskommune, Torill Selsvold Nyborg (KrF), krev ei sjette ferje til sambanda Halhjem-Sandvikvåg og Arsvågen-Mortavika. Ho har sendt brev til samferdsleminister Liv Signe Navarsete, der ho oppfordrar til å skaffa ei sjette ferje til sambanda.

Fylkesordføraren er redd for at dei lange ventetidene kan skapa trafikkfare.

– Dette er jo riksvegen vår på kysten. Dersom bilkøane går heilt opp til hovudvegen, kan dette bli trafikkfarleg, seier Selsvold Nyborg til bt.no.

Ho fryktar at sommaren kan bli hektisk på Halhjem, og håpar at Samferdsledepartementet i det minste kan setja inn ei gamal ferje for å auka kapasiteten.

Knuste i kaien
Fredag hopa det seg nok ein gong opp med trafikk på Halhjemsvegen. Årsaka var ein kombinasjon av mange reisande og ei c-ferje ute av drift.

Dagen før «Mastrafjord», som var ute i planlagt reparasjon, kom tilbake, gjekk «Fanafjord» rett i kaien (onsdag i førre veke).

Medan kaien og gassferja blir reparert blir kaien som Våge-ferja normalt går frå brukt også for dei som skal til Sandvikvåg, skriv bt.no.

Fjord 1 håpar Fanafjord snart kjem i drift igjen.