Sport | 05. aug. 2021

Vil senda osingane gratis til OL-fest i Strandvik

Ole Bull går tur-retur for at flest mogleg skal sjå Mol og Sørum kjempa om OL-gull.

Vil senda osingane gratis til OL-fest i Strandvik
Elferja Ole Bull går gratis til Lysøen i sommar, men natt til laurdag skal den kryssa Fusafjorden. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 05. aug. 2021 13:52

I dag vann Anders Mol (24) frå Strandvik og Christian Sørum (25) frå Rælingen semifinalen i OL i Tokyo.

– Historisk! skriv VG om sandvolleyballbragden.

Frå før har dei VM-bronse, fleire sigrar i verdsserien og EM-gull frå 2018, 2019 og 2020 på peishylla.

Natt til laurdag går OL-finalen.

På heimebane i Strandvik har innbyggarane samla seg om storskjerm dei siste kampane.

No ønskjer dei sambygdingane frå Os-sida av fjorden ekstra velkomen.

– Eg blei utfordra av Bjørnar Vik frå Strandvik, som eg gjekk på skule med, om å ordna transport, seier Corvus-direktør Geir Bjørkeli.

Corvus har levert batteripakken til den nye elferja «Ole Bull», som går mellom Buena og Museet Lysøen.

– Eg har chartra elferja, og den går frå Os gjestehamn seint fredag kveld og tilbake når finalen og festen er over.

Ferja er gratis, men du må sikra deg billett via TicketCo, som legg desse ut i ettermiddag.

– Ordførar Trine Lindborg er hyra inn som matros, så det blir nok ein ekstra kjekk tur, trur Bjørkeli.

Program for natta kjem seinare. Det er mogleg at også bronsefinalen blir sendt (kl 03), men det blir uansett konferansier og kanskje også konsert - som oppvarming til finalen, som startar 04.30 norsk tid.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.