Vil søkja med kraftigare utstyr

I førre veke søkte politiet, ved hjelp av innleigd kompetanse og utstyr, overflata av delar av Øvsttun gravplass i samband med etterforskinga av Trine Frantzen si forsvinning i 2004.

I dag fekk politiet status frå firmaet som gjennomførte geoskanninga.

– Resultatet er ikkje eintydig i nokre retningar, fortelpolitiinspektør Tore Salvesen i ei pressemelding i dag.

Politiet vil bruka noko meir tid saman med firmaet for å planlegga søk med kraftigare utsyr på overflata av tolv av gravene.

– Håper er at dette utstyret skal gi oss klarare svar, så vi tar dei rette avgjerdene på kva vi gjer vidare. Det er viktig at vi gjer dette arbeide så nøye som vi kan, av omsyn til både vidare etterforsking, dei pårørande til Trine Frantzen og til dei pårørande til dei som er gravlagt på staden.

Politiet håper å få gjennomført dei nye undersøkingane før påske.