Vil til Os
Daniel Kalstad går til Os om ikkje han lukkast på prøvespeling for Sogndal.
- Valet sto mellom Nest-Sotra og Os. Det var ikkje lett å velja, men eg liker konkurranseinstinktet til spelarane på Os, og fasilitetane på Kuventræ, med Osbadet og Nautilus på same tomt, seier Daniel Kalstad.
Han har vakse opp i Sportsklubben Brann, spelt to treningskampar for A-laget og dei fleste kampane for Brann 2 dei siste åra.
- Blant spelarane Brann slepp er det Kalstad som er mest attraktiv for oss, seier Os-trenar Frank Hellevik.
Kant, back og spiss
Kalstad er fødd i 1989. På banen blir han brukt fleire plassar, men som oftast som høgre back eller på ein av kantane.
- Eg var spiss i éin kamp i fjor, fortel Daniel, som utan å ha heilt oversikt reknar med at han skåra rundt seks mål førre sesong.
- Daniel er rask og godt trent, og han har ein svært god innleggsfot, seier Hellevik.
Den fekk Os smaka på i ein treningskamp mot Brann for to år sidan. Kalstad debuterte for A-laget med eit innhopp i kampen, og første touch var målgjevande pasning til Robbie Winters.
Prøvespel i Sogndal
Etter oppvekst på Bønes flytta Daniel til Minde for tre år sidan. No er han student ved Høgskolen i Bergen.
- Eg skal på prøvespel i Sogndal no i januar. Om dei ikkje kan bruka meg takkar eg ja til Os, seier han.
Hellevik seier Os meir eller mindre er i mål med nye spelarar, og at dialogen med eksisterande Os-spelarar er god.
- Kva med backane Anders Glesnes og Remi Osebakken, som har vore med nokre sesongar, men som bur utanfor kommunen?
- Eg reknar med at vi blir samde med dei resterande, også Osebakken og Glesnes, seier Os-trenaren.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.