Vinter i april
I går kom snøen, i dag kom sola - og i neste veke skal det bli minst 10 gradar varmare.
Bildeserie:
Etter ein snøfattig vinter la det seg eit kvitt teppe over vegane i Os søndag kveld og natt til måndag.
Det førte til enkelte utfordringar i trafikken.
På formiddagen har vêret letta i Os, men ein kald vind frå nord, og usle 3 varmegradar, gjer at det framleis kjennest ut som vinter.
Sol og svakare vind
Vinden skal løya i 21-tida i kveld, frå 10 til 5 m/s.
Det lettskya vêret held fram, samanhengande ei veke fram, ifølgje Yr, regn fredag og laurdag, men så sol igjen, ifølgje Storm.
Uansett; dei to er samde om skyfri himmel tysdag, lettskya onsdag, temperatur på rundt 6-7 gradar og vind på rundt 2-5 m/s.
Vårvêr og fridag i neste veke
Søndag er det meldt 10 gradar og sol, måndag 1. mai er det meldt nærmast skyfritt og 14 gradar.
Både Yr og Storm melder 14 gradar og sol også tysdag om ei veke.