– Welcome to the 60's!

Frå onsdag 21. mars blir det fem kveldar på rad med musikalen Hairspray i Nore Neset Aktivitetshus.

30 ungdomar leia av Terje Neset og Anne Leni Sæbø viser oss historia om Traci, The Corny Collins show, forbod mot musikksjangeren og den komande protesten ungdomane rettar mot forbodet.

Les òg: Born to boogie

– Akkurat no blir det like mykje øving på det å gå av og på scenen som det blir på song og musikk. Logistikken i eit stykke som dette krev også sitt, seier musikklærar Neset.

I helga var det langøving fire timar laurdag og fire timar søndag.

– Å synga medan vi dansar er kanskje det vanskelegaste, synes Antine Furevik, som har hovudrolla som Tracy.

– Vi terpar mest på første akt, der det er mest song og dans. Andre akt er meir handling, og dei dansane vi har i andre økt er temmeleg godt innøvd allereie, seier Terje før pausen var over og øvinga heldt fram.

VIDEO (02:50): Sjå ungdomane i sving i Symrasalen ei dryg veke før premieren. (Foto: Kjetil Vasby Bruarøy)