1,1 million forsvinn

I 2012 betalte Norsk Tipping ut om lag 1,4 millionar kroner i grasrotandelen til frivillige lag og organisasjonar i Osbygda.

– I Os har vi om lag 9.100 kunder. Desse omsette for cirka 50 millionar kroner i 2012, noko som gjev eit snitt per innbyggar på 2.800 kroner, fortel kommunikasjonssjef Arve Sjølstad i Norsk Tipping.

Potensiale: 2,5 millionar

Med ein omsetnad på 50 millionar kroner i året er det eit potensiale på 2,5 millionar i inntekter til laga i Os. 5 prosent av omsetnaden går nemleg til det laget tipparen sjølv vel ut.

Per 30. juli 2012 er det registrert vel 3.200 grasrotgjevarar knytt til dei frivillige laga i Os.

Det betyr at nesten 2/3 av dei osingane som speler hos Norsk Tipping ikkje støttar lokale lag.

Grasrotmidlar gjev dei vekk likevel, men dei som ikkje har bestemt seg for kven som skal bli mottakar, sender pengane inn i ein stor, sentral pott.

– Grasrotandelen er unik i verdssamanheng. Heile overskotet til Norsk Tipping skal gå til samfunnsnyttige formål.

– Grasrotandelen gjev deg som speler moglegheiten til å bestemma kven som skal få noko av overskotet, forklarar Sjølstad.

Har auka med berre 100

Så langt i år har spelarane til Norsk Tipping generert drygt 800.000 kroner i kjærkomne midlar til aktivitet i Osbygda i 2013. Talet på gjevarar har så langt i år auka med 121 samanlikna med 2012.

– Eg er einig i at laga i Os har eit potensiale i å auka inntektene sine.

– Ein må òg hugsa på at som gjevar kan ein bytta mottakar kor tid ein vil. Ein er ikkje låst til eitt idrettslag eller éin organisasjon til evig tid.

Samanliknar ein utbetalinga i 2012, med omsetnaden i 2012 forsvinn omlag 1,1 million ut av bygda.

Her er grasrotmottakarane i Os

Tabellen viser grasrotinntektene per 30. juli og talet på gjevarar i parentes.

Os Turnforening - 178 455 (543)
Søre Neset Idrettslag - 83 970 (168)
Nore Neset Idrettslag - 73 800 (274)
Os Røde Kors - 65 891 (178)
Lysekloster Idrettslag - 49 990 (198)

IL Øyglimt - 44 619 (232)
Søfteland Turn og Idrettsforening - 37 379 (214)
Bjørnefjorden Golfklubb - 25 372 (106)
LHL Os - 20 506 (76)
Lysefjorden Ungdomslag - 17 815 (60)

Os Bridgeklubb - 17 308 (17)
Ungdomslaget Havglimt - 13 043 (56)
Jadakameratene - 9 217 (37)
Os og Kuventræ skulekorps - 9 163 (47)
Os Aero klubb - 9 098 (32)

Os Revmatikerlag - 8 733 (40)
Os Skyttarlag - 8 622 (49)
Os Kobudokan karateklubb - 8 076 (34)
Rock N LOL - 7 491 (78)
Os Rockeklubb - 7 138 (54)

Os MC og MX Klubb - 6 558 (55)
Os Musikkforening - 6 485 (46)
Os Basketballklubb - 6 403 (15)
Lysefjorden Ride og kjøreklubb - 6 307 (32)
Os Jakt og Fiskelag - 5 693 (23)

Cykle-klubben Henie - 4 622 (26)
Lysekloster Sanitetsforening - 4 540 (26)
Nore Neset Mannskor - 4 467 (31)
Os Pensjonistforening - 4 121 (31)
Os Mannskor - 3 871 (24)

Lysekoret - 3 662 (26)
Moldegaard Ryttersportsklubb - 3 609 (28)
Søre Neset Sanitetsforening - 3 565 (16)
Os Roklubb - 3 470 (34)
Os Svømmeklubb - 3 435 (22)

Os Kolskogen speidergruppe av NSF - 3 413 (10)
Os Swingklubb - 3 097 (29)
Os Vocalis - 2 749 (17)
Os Blandakor - 2 656 (19)

Vildmarken Golfklubb - 2 585 (20)
Søre Neset Ungdomslag - 2 378 (15)
Lysøens venner - 2 096 (6)
Os Turlag - 2 044 (23)
Nore Neset Sanitetsforening - 1 897 (13)

Ups & Downs Hordaland - 1 852 (17)
Os Amcar Club - 1 761 (16)
Os Rotary klubb - 1 692 (7)
Norges handikapforbund Os lokallag - 1 613 (9)
Vestlandets Katteklubb - 1 575 (10)

Lyshornet Brass - 1 511 (19)
Nore Neset Skulekorps - 1 460 (14)
Os Fotoklubb - 1 413 (18)
Os Fjordlag - 1 340 (7)
Hegglandsdalen Idrettslag - 1 269 (12)

Os Mållag - 764 (2)
Os Småfiskarlag - 743 (5)
Os Sanitetsforening - 622 (5)
Vener av Lyngheim - 539 (2)
Vietnamesisk forening Os - 473 (3)

Lions Club Os - 362 (5)
Søre Øyane Sanitetsforening - 206 (2)
Os Eldresenter Stiftelsen - 201 (1)
Kuventræ Nærmiljøanlegg - 135 (1)
Os Husflidlag - 124 (2)

Os Spelemannslag - 120 (2)
Foreningen Bevar Fjellheim - 98 (3)
Os Biljardklubb - 93 (7)

Grasrotmidla blir betalt ut tre gongar i året, 1. januar, 1. mai og 1. september. 5% av innsatsen ein spelar for går attende til grasrotmottakaren utan at innsatsen reduserast tilsvarande.

For å vera grasrotmottakar må organisasjonasjonen vera registrert i Frivillighetsregisteret.