27 elevar i karantene

To elevar på 7. trinn ved Søfteland barneskule har fått påvist covid-19, opplyser Bjørnafjorden kommune.

Alle dei 27 elevane på klassetrinnet blir rekna som nærkontaktar.

– Dei er i karantene og vil bli testa så snart som mogleg.

Dei som er nærkontaktar ved skulen har fått beskjed. Alle andre skal vera på skulen som vanleg.

– Karantenen gjeld berre nærkontaktar, og ikkje deira husstandsmedlemmer.

Kommunen beslutta måndag å forlenga dei lokale tiltaka, som opprinneleg varte til og med i går.

Tysdag var det fire nye smittetilfelle, og august landa på til saman 95 smitta i Bjørnafjorden.