29 mill. i minus
I tillegg til 14 millionar kroner i auka byggekostnadar er det no stadfesta at Oseana i 2011 ikkje får dei 15 millionane dei har søkt om.
Førre månadsrapport for Oseana viser at prislappen har auka frå 196 til 210 millionar kroner.
Tidlegare denne veka kom det dessutan signal om at regjeringa heller ikkje i år følgjer Hordaland fylkeskommune si prioriteringsliste, der Oseana ligg øvst, men i staden gjev støtte til USF Verftet/Arena USF.
Les òg:
Nedprioritert?
- Svært useriøs!
Dette fekk ordførar Terje Søviknes til å reagera med spekulasjonar om politiske motiv, at Oseana blir nedprioritert fordi Os er styrt av Frp.
- Dette er svært useriøse påstandar. Eg vil minne Søviknes om at Bergen har vore styrt av Høgre dei siste åtte åra, og sit i Bystyret med Frp, sa statssekretær Lubna Jaffery (Ap) i intervju med NRK Hordaland onsdag ettermiddag.
Valte risikoen sjølv
Søviknes, som blei intervjua saman med Jaffery, spurte korleis regjeringa kunne legga fylket sine vurderingar til sida.
- Vi har 38 prosjekt som ventar på støtte, ingen andre enn Os kommune har byrja å bygga. Dette er ein risiko de har valt sjølv, svarte statssekretæren.
Eit samrøystes kommunestyre vedtok i desember 2008 byggestart for Oseana trass i at statleg støtte ikkje var på plass.
Slunken innspurt
Styret har funne innsparingspunkt som tilsvarar 9,1 millionar kroner. Likevel står det hol igjen i budsjettet som er 20 millionar kroner større enn venta.
No blir det spennande å sjå korleis styret i Oseana vil jobba vidare fram mot opning våren 2011.
Vil du høyra intervjuet på NRK?
Trykk på denne lenkja og gå drygt 35 minutt ut i sendinga.
Samleside - alle Oseana-sakene på Midtsiden.no
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.