Lindborg: - Alt har vist at vi aldri må slutta å snakka om dette

Det vart ei enkel, men verdig markering av 22. juli i Os Minnepark i dag.

Litt over tjue mennesker deltok under markeringa av 22. juli i dag. (Foto: Ørjan Håland)
Ørjan Håland
Ørjan Hålandtorsdag 22. juli 2021 14:22

Ordførar Trine Lindborg og eit tjuetals personar møtte i dag opp i minneparken for å markera at det er ti år sidan terrorhandlingane 22. juli.

Det vart lese dikt og lagt blomar på staden.

– Då det vart bestemt at alle landets kyrkjeklokkar skulle kima samstundes, så vart det naturleg å bruka minneparken til ei markering. Kyrkja er også open for dei som ønskjer å nytta den, fortalte Lindborg.

Det var ei enkel, verdig og sterk markering - utan tale, men med diktlesing (Frode Grytten) av ordførar Trine Lindborg (Ap) og nedlegging av blomar.

– Vi har hatt denne form for seremoni tidlegare, men eg er veldig glad for at vi gjorde dette, seier Lindborg.

Eit dikt av Frode Grytten vart lest. (Foto: ØH)

Klemmen måtte koma

For Ingrid Netland var denne dagen ekstra spesiell. Netland mista si 16 år gamle niese i terrorangrepet på Utøya.

– Det var godt å få vera på denne markeringa, samstundes som det kjennes litt rart. Eg har vore i den innerste sirkelen av dei som er pårørande, men på same tid så er eg liksom berre ei tante.

– Det har vore vanskjeleg å føla seg litt på utsida, når du likevel kjenner deg som tett på, forklarer ei kjensleladd Netland.

Ingrid Netland. (Foto: ØH)

Etter at Netland plasserte la ned ein blome, vart det for tungt til at ordførar Lindborg ville lata ho vera åleine i sorga.

– Klemmen kom og den berre måtte koma, vi er begge to fullvaksinerte, seier Lindborg.

Ein etterlengta klem. (Foto: ØH)

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.