Sport | 23. juli 2015

Ariel gav vekk NM-gullet

Det blei eit rørande møte då Nora (8) fekk møta forbildet sitt, svømmetalentet Ariel Braathen. No kan Nora reisa heim til Rio de Janeiro med NM-gull i bagasjen.

Ariel gav vekk NM-gullet
Ariel Braathen (16) og Nora Fimreite Jensen (8) møttest i Osbadet i går. Der gav Ariel frå seg NM-gullet til det unge talentet som no bur i Rio. (Foto: Kjetil Basby Bruarøy)
Kjetil Vasby Bruarøy
Kjetil Vasby Bruarøytorsdag 23. juli 2015 12:38

Bildeserie:

Etter ein prat fekk dei to svømma saman. Ariel blei imponert over Nora sin teknikk. (Foto: Kjetil Basby Bruarøy)
Etter ein prat fekk dei to svømma saman. Ariel blei imponert over Nora sin teknikk. (Foto: Kjetil Basby Bruarøy)
– Kan du stupa? (Foto: Kjetil Basby Bruarøy)
– Kan du stupa? (Foto: Kjetil Basby Bruarøy)
– Ja, det kan eg. (Foto: Kjetil Basby Bruarøy)
– Ja, det kan eg. (Foto: Kjetil Basby Bruarøy)
1 av 3
Etter ein prat fekk dei to svømma saman. Ariel blei imponert over Nora sin teknikk. (Foto: Kjetil Basby Bruarøy)
– Kan du stupa? (Foto: Kjetil Basby Bruarøy)
– Ja, det kan eg. (Foto: Kjetil Basby Bruarøy)

Ariel Braathen (16) har både senior-gull frå NM, junior noregsrekord og har klart alle delmål på veg mot det som førebels er hovudmålet: OL i Rio i 2016.

Så, i april i år, fekk ho ei melding nettopp frå Rio de Janeiro. Nora Fimreite Jensen (8), med mor frå Os og far frå Ålesund, har gått på svømming sidan ho som 5-åring flytta med familien til Brasil.

– Eg blei så sjarmert av meldinga og synes det er så kjekt at ei som er så ung allereie er godt i gang med svømmetrening. Sjølv byrja eg då eg var 10-11 år, seier Ariel.

Pappa Bjørn Arne fortel om dei første åra, og ei Ariel som aldri ville heim frå dei første svømmestemna. Ho måtte jo få sjå på då «storejentene» skulle svømma.

Møttest i Osbadet

Etter to veker ferie er Ariel så vidt i gang med bassengtrening igjen. Sesongoppkjøringa startar først 10. august, så no er det eigentrening, blant anna heime i Osbadet.

Onsdag passa det sånn at ho fekk treffa Nora, som er på ferie i mor si heimbygd Os.

– Vi har fått bygd hus i Os og overtar no i sommar. Vi skal flytta heim til jul, men det var nesten så vi vurderte å bli igjen i Rio eit halvt år til for å sjå Ariel i OL, fortel mamma Linda.

Ho fortel at svømmemiljøet i Rio er stort og at Nora har fleire venar frå skulen som trener i bassenget. Sjølv om Nora går på amerikansk skule og førebels les engelsk betre enn norsk, så les ho det ho kjem over av artiklar om Ariel i avisene heime i Os og Bergen.

– Nora er fascinert av Ariel, ikkje minst det at ho står så tidleg opp om morgonen for å trena. Ho har også skrive ei oppgåve på skulen om svømming som yrke. Der fekk ho via internett hjelp av Ariel til svar på nokre spørsmål, fortel Linda.

Fekk gåve - og medalje!

Onsdag ettermiddag var det tid for trening, men først eit lite møte med Nora, som var og bada saman med mor, veslesøster og veslebror.

– Eg bruker ikkje medaljane mine til noko likevel. Viss denne kan vera til inspirasjon for Nora så gjer han meir nytte i Rio, og seinare på rommet hennar heime i Os, sa Ariel då ho viste kva ho hadde med i gåve til sin fan frå Sør-Amerika.

Ariel hadde pakka ned svømmehetter, svømmebriller, pads og konkurransedrakt – og ein medalje.

– Det er gullmedaljen frå senior-NM i fjor, då eg vann 50-meteren i langbane-NM i Drammen, fortel ho.

Dette er Ariel sitt første gull i senior-NM, og ei gåve som såg ut til å gjera både Nora og mamma Linda mållaus.

Viste talentet sitt

Etter litt prating og eit djupdykk i den spennande gåveposen Ariel hadde med seg var det tid for at dei to kunne svømma litt saman.

Då var det Ariel sin tur til å bli mållaus.

– Oj! Du er jo kjempeflink, utbraut Ariel, då Nora viste seg å svømma bryst med strålande teknikk.

Etter å ha svømt nokre lengder var det opp på startblokka. Der fekk 8 år gamle Nora også vist at ho har både mot og teknikk når det kjem til stuping.

–Os Svømmeklubb er heldig viss dei får deg i bassenget når du flyttar til Os til jul, sa Ariel om moderklubben i Osbadet.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.