I dag er det gravferd for Hans Majestet Kong Harald V, som gjekk bort fredag 28. august.

Seremonien i Oslo domkyrkje startar klokka 13.

I starten av seremonien vil det vera eitt minutts stille over heile landet, innleidd og avslutta med tre klokkeslag.

TV 2 starta si sending om gravferda klokk 10, NRK startar klokka 12.

Kong Harald V si båre forlèt Det kongelege slottet klokka 12.00 og blir ført i prosesjon til Oslo domkyrkje.

Båra blir følgd av Hans Majestet Kong Haakon VIII, Hennar Majestet Dronninga, kronprinsesse Ingrid Alexandra, dronning Sonja, prins Sverre Magnus og prinsesse Märtha Louise.

Utanlandske kongelege, statsoverhovud og statsministrar, representantar for det offisielle Noreg og representantar for Det kongelege hoffet deltek også i prosesjonen.

Klokka 13.00 startar Kong Harald Vs gravferdsseremoni i Oslo domkyrkje. 

Seremonien vil leiast av preses Olav Fykse Tveit og vil følgja Den norske kyrkjas ordning for gravferd. Også Oslo biskop Sunniva Gylver bidreg. Domkantor Marcus André Berg leier det kyrkjemusikalske saman med Oslo Domkor.

Etter gravferda blir båra ført i prosesjon til Akershus slottskyrkje. Der vil det bli ein privat seremoni for familien og kongelege gjester. Stortingspresidenten, statsministeren, høgsterettsjustitiarius, og presidentane frå Island og Finland vil også vera til stades.

Båra blir senka ned i krypten i Slottskyrkja, der dei to sarkofagane til kong Haakon, dronning Maud, kong Olav og kronprinsesse Märtha er.

Etter seremonien i Akershus slottskyrkje kjem kongen og dronninga ut i borggarden på Akershus festning.

Flagga som har vaia på halv stong går til topps, og det blir avfyrt dobbel kongesalutt. Samtidig vil kyrkjeklokkene i landet ringja i ein time.

Kongen, dronninga og resten av familen skal så tilbake på slottet.

Klokka 16.45 kjem dei ut på Slottsbalkongen for å helsa frammøtte på Slottsplassen.

Dagen etter kong Harald sin bortgang heldt kong Haakon VIII minnetale over far sin.

Måndag 31. august blei båra frakta frå Den raude salong på Det kongelege slottet til Slottskapellet. Over 46.000 har defilert ved båra.

Tysdag 1. september la kong Haakon VIII og kronprinsesse Ingrid Alexandra ned ed til Grunnlova i Stortinget.

Slagordet til kong Haakon VIII er «Alt for Norge».