Ynskjer du å jobba i eit medieselskap i vekst?

Skavl Media er eit gründerdrive medieselskap som eig og driv Midtsiden, Sysla og Hardanger på Vestlandet, i tillegg til Filter Nyheter og Josimar i Oslo.
Avisene våre er i vekst, og me har nye satsingar på gang. Me treng fleire typar profilar, dei som er best framfor skjermen og dei som er best ute blant folk, og du er velkomen til å søkja sjølv om du berre kjenner deg att i éin av delane.

Me søkjer deg som

• er van med å jobba sjølvstendig og ikkje er avhengig av mykje folk rundt deg til kvar tid
• er sterk på redigering og desking, og kan strukturera, spissa og publisera saker raskt
• er god til å få folk i tale, oppsøkja kjelder og finna eigne saker der ute
• aktivt tek i bruk ny teknologi og veit korleis du brukar KI til hjelp i arbeidskvardagen
• har interesse for og gjerne erfaring med næringslivsjournalistikk

Publikasjonane våre

Midtsiden.no er ei nettavis for Os og Bjørnafjorden, med eit breitt nedslagsfelt frå lokalpolitikk og samferdsel til næringsliv, idrett og kultur.

Sysla.no dekkjer næringslivet i Bergensregionen gjennom vekentlege nyhendebrev, podkast og arrangement.

Hardanger.no dekkjer heile Hardanger-regionen, med særleg fokus på næringsliv, kultur og samfunn.

Me tilbyr

• ei sentral rolle i eit mediehus i vekst
• konkurransedyktige vilkår
• varierte oppgåver i eitt medium, eller på tvers av tre ulike nedslagsfelt og lesargrupper
• fridom til å forma eigen arbeidsdag og arbeidsstad
• eit fagmiljø med kollegaer i Bergen, Os og Hardanger/Voss

Praktisk informasjon

Stillingsprosent: 100

Arbeidsstaden kan vera lokal eller fleksibel, ut frå om du blir engasjert i éi av avisene våre eller på tvers av alle. Du er velkomen til å søkja, anten du bur i Bergensområdet, Os, Fusa, Hardanger eller Voss. Du må rekna med ein del reising innanfor dekningsområdet (t.d. mellom Bergen, Bjørnafjorden og Hardanger/Voss).

Søknad skal sendast til ingvil@sysla.no