Lysekloster tok i dag imot Træff til tredje siste serierunde.

Konkursramma Lysekloster har ikkje sjanse til å berga plassen i PostNord-ligaen, men dei såg i dag ut til å dra sigeren i land.

Heimelaget gjekk opp i 1-0 i 26. minutt. Jørgen Nordvold Lunde fekk ballen i mål etter litt rot i boks på eit langt frispark.

I 50. minutt landa ein langpasning mellom Træff-keeper og Viljar Stavø. Stavø lirka ballen med seg forbi keeper og skaut presist, men kontrollert i ope mål.

Eit kvarter seinare, på innlegg etter nok ei langpasning, auka Stavø til 3-0.

Men Træff jobba hardt for å redusera, og på corner i 76. minutt heada dei inn 1-0. Ni minutt seinare heada dei inn eit innlegg og på overtid, på retur frå keeper, kom utlikninga.

Lysekloster hadde ein stor sjanse åtte minutt på overtid, men kom ikkje høgt nok i lufta til å heada det fine innlegget i nota.

Kampen enda 3-3.

Tabelljumbo Eik Tønsberg tapte 0-3 borte for Arendal, men Vidar, som er på plassen bak Lysekloster, slo Kvik Halden 2-0 borte. Vidar er no berre to poeng bak Lysekloster, som har blitt trekt fire poeng grunna økonomisk rot.

I toppen ligg Jerv med 56 poeng, rett bak ligg bjarg og Mjøndalen, begge med 50 poeng før sesongens to siste rundar.

Lysekloster møter Vidar borte og Sotra heime i årets to siste kampar.

• Tabell på fotball.no