Kvart år er tredje torsdag i oktober kalla for «refleksdagen». Dagen blir markert for 20. gong i år.

– Når vi er ute i trafikken må vi gjera oss så synlege som mogleg. For dei som går og syklar er refleks utruleg effektivt for å bli sett av andre på lang avstand, seier pressesjef i Trygg Trafikk, Christoffer Solstad Steen.

Utan refleks er du synleg først på 25–30 meters hald. Bruker du refleks, er du derimot synleg på heile 140 meters hald når bilen du møter, bruker nærlys.

Omrekna til sekund har bilføraren 10 i staden for 2 sekund på å reagera.

Kveldane byrjar å bli mørke. Sola går ned klokka 18.28 i Os dag, klokka 16.49 om to veker (etter at vi har stilt klokka til normaltid) og klokka 15.30 på det mørkaste i desember.

Fotgjengarar har dette eine sikkerheistutstyret, men bilistane kan hjelpa til når det kjem til det å gjera andre synlege.

Visste du at det er forbode å ha køyrelysa på når du står parkert, viss det er mørkt? Då skal du skru over til parkeringslys.

Anten du ventar på møtande trafikk, på ein smal veg, eller du skal henta ungen din på trening. Har du køyrelys på, kan du blenda andre.

Far til ein fotballspelar, som òg er køyrelærar, sendte oss lesarinnlegg om dette temaet for nokre år sidan:

Trygg Trafikk deler òg nokre råd.

Fem smarte tips:

1. Fest refleksar på alle jakker og baggar.

2. Legg refleksband i skoa du vanlegvis bruker. Då kjenner du med ein gong kva du skal hugsa på.

3. Bruk refleksar som bevegar seg når du går, då synest du best.

4. Bruk minst to refleksar, ein på kvar side. Då synest du frå alle kantar.

5. Snakk om refleks, vi treng alle ei påminning.