Lokal | 10. jan. 2021

Åtte trafikkuhell i distriktet

Ingen personskade etter at snøen kom.

Åtte trafikkuhell i distriktet
Rundkøyringa mellom E39, Byvegen og Industrivegen søndag morgon. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysundag 10. jan. 2021 08:22

Laurdag ettermiddag byrja det å snø på Vestlandet, i 18-tida supplert av gode vindkast, og seinare på kvelden også sånn av vegane i låglandet blei snødekte.

Vest politidistrikt som på førehand hadde åtvara mot snøvêret som var meldt, gjentok åtvaringa.

– I alt blei åtte trafikkuhell meldt inn til politiet. Alle var utan personskade, opplyser Vest politidistrikt.

På Vallaheiane sto tre trailerar fast litt før klokka 23 laurdag kveld, og det blei kø på E39 mellom Os og Bergen.

Av andre uhell i går kveld og natt var utforkøyring i Svelgen, bil i fjellvegg på Arnatveitvegen og bil som velta etter utforkøyring i Birkelundsbakken.

Gode dekk - dårlege lys

Statens vegvesen var på streifkontroll i Bergen og omliggande kommunar i går.

10 tunge og 11 lette køyretøy blei kontrollerte. Alle hadde dekk og kjetting i orden, men det blei 10 reaksjonar på manglande lys og 2 som fekk bruksforbod grunna dårleg lastsikring.

I tillegg blei éin sjåfør meldt til politiet for brot på køyre- og kviletid.

Melder meir snø og kulde

Det snør framleis i Os søndag morgon, og det skal halda fram med å snø til i 17-tida i dag.

I 8.30-tida låg det kvitt både på fylkesvegane og på Byvegen, men køyreforholda blir truleg betre utover dagen.

Det er meldt nokre snøbyger både måndag morgon, måndag kveld og tysdag morgon. Så skal det vera sol og 3-4 kuldergradar til og med fredag.

Då blir kanskje isen farbar på fleire vatn i Os.

I helga har det vore høg aktivitet på fleire vatn, blant anna Havretjørn og Lepsøyvatnet, utan at vi kjenner tjukkleiken på isen her. Det tjukkaste brannvesenet målte fredag var 13,5 cm på Gåsekilen, altså 1,5 cm frå å bli skilta som «farbar is».

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.