Åtvarar om skogbrannfare

Årets påske byr på varmande solstrålet, få skyer og lite nedbør.

Yr byr foreløpig ikkje på farevarsel om skogbrann nokre stad i landet, men Bjørnafjorden brann og redning har fått melding frå sentralt hald om at det byrjar å bli tørt i vårt terreng.

– Det er i ferd med å koma varsel om fare for skogbrann, og eg vil be innbyggarane vera varsame gjennom påsken, anten dei vil grilla ute i naturen, rydda hagen og laga hagebål eller driva med bråtebrenning, seier varabrannsjef Erik Walden.

– Sjølv om bålforbodet ikkje gjeld før 15. april, er det heile året den enkelte sitt ansvar å vera varsam. No når det er tørt gjeld det å vera ekstra varsam.