Reagerte på storleiken på «hagebålet»

– Den som tenner bålet har alltid ansvaret.

Brannvesenet fekk fleire meldingar om mogleg brann då dette bålet blafra i Kolabakkane laurdag kveld. (Lesarbilde, tips@midtsiden.no)
Kjetil Vasby Bruarøy
Kjetil Vasby Bruarøylørdag 28. aug. 2021 21:01

Klokka 20.50 fortalte 110-sentralen om utrykking til Midtskogvegen.

– Det er observert opne flammar på ein terrasse. Nødetatane rykker ut.

Fire minutt seinare kom ei korrigering; det viste seg å vera eit bål på ein open plass. Brannvesenet køyrde til staden for kontroll.

OPPDATERT:

Brannvesenet fortel at dei reagerte på storleiken på bålet.

– Det var ingen umiddelbar fare for spreiing, men det var ein del vindkast, og når bålet er så stort som dette, så er også faren for at det flyr av garde glør frå bålet, seier Martin Østgulen Svendsen frå Bjørnafjorden brann og redning.

– Det er dessutan svært tørt i terrenget. Skogbrannfaren er berre på gult nivå, men det har kome lite nedbør denne sommaren.

Dei sløkte bålet og gav bålbrennar pålegg om å følgja med på bålplassen gjennom natta, at ikkje det blussa opp igjen.

Det er generelt bålforbod i utmark frå 15. april til 15. september. Men du kan brenna hageavfall året rundt.

Bålbrennar hadde ringt brannvesenet på førehand og sagt at han ville brenna eit hagebål.

– Det er fint at folk seier ifrå, så vi veit om det viss det kjem avstandsmeldingar - men det at folk har ringt betyr ikkje at dei har fått noko form for løyve eller grønt lys av oss.

– Det er alltid bålbrennar sitt ansvar. At det blir tidlegare mørkt no på seinsommaren er også ein faktor. Flammane er synlege på god avstand når det er mørkt, og det blir fleire som uroar seg, seier Svendsen.

Politiet var også på staden. Vi har ikkje lykkast med å få kontakt for kommentar.

  • Har du spørsmål om bålbrenning? Her kan du lesa reglane og rettleiaren til Bjørnafjorden brann og redning.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.