Avdekka ulovleg kabotasje

Onsdag kveld hadde vegvesenet kontroll av tungtransport på E39 Byvegen i Hjellemarka.

Av 26 køyretøy inne på plassen blei 18 kontrollerte. Det blei det gitt 6 bruksforbod, to for manglande merking av utstikkande gods, to for lastsikring, eitt for sikt og eitt for lys.

I alt blei det 12 skriftlege manglar. 7 køyretøy fekk mangelseddel for tekniske manglar.

Tok for mange turar internt i Noreg

I tillegg blei eit firma meldt til politiet for ulovleg kabotasje. Kabotasje er når eit transportfirma utfører interntransport i eit anna land.

Selskapet hadde køyrd 4 nasjonale transportar etter at bilen kom til Noreg, grensa i EU og EØS er 3 kabotasjeturar på 7 dagar.