Gut skadd av propell

Politi og ambulanse rykte søndag kveld ut på melding om ulykke i Skåtøysundet, vest for Drange.

– Ein gut fekk store kutt i foten, og blei køyrd til Haukeland med helikopter, opplyser Vest politidistrikt via Twitter.

Det blei først opplyst at guten, som er 12 åt gamal, bada då han blei påkøyrd av ein båt som bakka.

– Familien var om bord i ein båt som skulle legga til land. Guten ramla i sjøen i løpet av manøvreringa, og fekk foten borti propellen, opplyser politiet til BT.

Midtsiden har foreløpig ikkje lykkast i å få tak i politiet.