Handball | 31. aug. 2021

Blei snytt for finale

Nore Neset sine J15 hamna i finalen i Åpningscupen, men korona og konfirmasjonar sette ein stoppar for det å kåra ein vinnar.

Blei snytt for finale
Nore Neset J15 stilte med to lag i Åpningscupen. (Foto: Privat)
Ørjan Håland
Ørjan Hålandtirsdag 31. aug. 2021 11:28

Nore Neset stilte med lag i fleire årstrinn i Åpningscupen, blant anna to lag i J15-klassen.

Nore Neset 1 slo Tertnes 2 16-11 og Gneist 1 19-12.

Men finalen dei hamna i er no avlyst.

– Det var sjølvsagt veldig kjipt at vi ikkje fekk spelt den finalen, for den hadde vi vunne, seier Nore Neset-trenar Gitte Torp med eit smil.

Flaktveit, som skulle vera Nore Neset sin motstander i finalen, hadde tidlegare i veka spelt mot Askøy.

Askøy fekk påvist korona på ein av sine spelarar, og dermed måtte Flaktveit ut i karantene.

Konfirmasjonar blei bremsekloss

No endar det med at finalen ikkje blir spelt i det heile tatt.

– Dei neste vekene er det ein del konfirmasjonar, og dette blir tatt omsyn til.

– Konfirmasjonane prega også sluttspelet. Fleire spelte innleiande rundar, men blei opptatt då sluttspelet skulle i gang, noko som gjorde Åpningscupen noko amputert for denne årgangen.

Superfinale til seriestart

Men når motstanderen i første serierunde til hausten heiter Flaktveit, då blir det duka for eit oppgjer likevel.

– Det blir jo veldig morosamt! Det blir jo både finale og seriestart på ein gong.

Med seriestart 2. oktober er det fortsatt god tid til treningskampar og oppkøyring.

– Ja, vi kjem nok til prøva å spela eit par treningskampar innan seriestarten. Men vi er heldige som har ei stor og god gruppe, så vi kan spela kampar internt også, seier Torp.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.