Davy Wathne sitt intervju med John Lepsøy

VIDEO: Sjå Davy intervjua Lepsøy, Steffensen og Valle før han tok for seg spisstalentet frå slutten av 70-talet; Kjell Ove Lunde.

Kjetil Vasby Bruarøy
08. desember 2019 - 21:43

Fredag feira Os Fotball 100-årsjubileet sitt med galla i Oseana.

Konferansier Davy Wathne, som fyller 70 år 1. januar, kjenner Os godt - både som privatperson frå sommarane i Øyane til tida som dommar og sportsjournalist blant anna på Kuventræ.

Les meir og sjå bildeserie frå jubileumsfesten

Under gallaen intervjua han eldste spelar på festen, 86 år gamle John Lepsøy.

John var vestlandsmeister på skøyter og i 10-kamp, tok NM-bronse i spyd og kule og spelte 400 A-kampar for Os. Han sto blant anna i mål som 16-åring i det som truleg er einaste gongen Os har slått Brann sitt A-lag, på Stadion, mot sjølvaste Roald «Kniksen» Jensen. I intervjuet fortel John om korleis Brann sin store helt fekk smaka på musklar frå Lepsøy.

I 1950 spelte Os fire av dei fem kampane med flest tilskodarar i regionen, på 1. plass var kampen Os-Brann med 8.071 tilskodarar.

I videoen får du òg ein prat mellom Davy, Frode Steffensen og Bjørn Valle. Bjørn spelte for Os på øvste nivå i 1975, Frode var seinare både spelar og trenar for Os.

• Os Fotball hadde galla i Oseana også i 2018. Då var det særleg heltane frå 1970-talet som blei hylla.

Les meir om

Fotball Os herre