Dei første 16-åringane får første dose i morgon

Vaksinasjon av 16- og 17-åringane kjem i gang allereie fredag.

Fredag blir det drop-in i Oshallen, i neste veke reiser vaksinasjonsteamet ut til Kongshaug og Fusa vgs. (Foto: Ørjan Håland)
Kjetil Vasby Bruarøy
Kjetil Vasby Bruarøytorsdag 19. aug. 2021 15:46

Bjørnafjorden kommune har, i tråd med regjeringa si opning for vaksinasjon for 16- og 17-åringar, i dag bestemt seg for å gå i gang allereie i morgon, fredag.

– Elevar fødde i 2004 og 2005 ved Os gymnas og Os vidaregåande skule får tilbod om å ta første dose på drop-in i Oshallen fredag 20. august, opplyser assisterande kommuneoverlege Jonas Nordvik Dale.

– No gjeld det å få andre dose ut til flest mogleg, seier assisterande kommuneoverlege Jonas Nordvik Dale. (Foto: Kjetil Vasby Bruarøy)
Les ògFår 3.500 ekstradosar - snart er det 16-åringane sin tur

Elevane ved Fusa vidaregåande skule og Kongshaug Musikkgymnas vil få vaksinen når vaksinasjonsteamet frå kommunen kjem til skulane torsdag om ei veke.

Skulane gir informasjon om vaksinasjon til sine elevar og føresette, skriv kommunen på sine heimesider.

Personar er helserettsleg myndige når dei fyller 16 år. Ungdommar som har fylt 16 år, kan difor sjølv bestemma om dei ønskjer å vaksinere seg. For elevar som fyller 16 år seinare i år, vil skulen innhente samtykke frå føresette.

Aldersgruppa vil få tilbod om to vaksinedosar, slik som den vaksne befolkninga, med 8 til 12 vekers intervall.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.