Dobbel Aase på Lysekloster sin midtbane

I førre veke fortalte sportsleg leiar Svein Kollen at Lysekloster har signert heile 13 spelarar for 2020-sesongen, mot 3 på tilsvarande tid i fjor.

Av desse 13 er 4 nye. Ein av dei nye er Peter Adrian Dinessen Aase, tvillingbroren til Stefan Alexander Dinessen Aase, som kom til Lysekloster i sommar.

– Av det eg har sett til no er dei ganske like, både i utsjånad og i spelestil. Begge er midtbanespelarar, begge har stor arbeidskapasitet, seier Kollen.

Begge har òg erfaring frå aldersbestemt landslag, og har lang fartstid frå høgare nivå i norsk fotball.

I 2011 var 8 av 16 av eliteserieklubbar på jakt etter dei talentfulle, den gong 16 år gamle, tvillingbrørne.

• I kø etter Florø-talenta Aase (BT, mai 2011)

Til slutt sto valet mellom Sogndal og Brann. Begge gjekk til Sogndal.

Solid CV

Brørne har vakse opp i Florø og nysignerte Peter har 124 kampar for A-laget.

I 2012 fekk han 2 kampar for Sogndal sitt A-lag, i 2015 var hantilbake og spelte 5 kampar. I 2016 spelte Peter 3 kampar for Åsane før han igjen kom tilbake til Florø, som landa på 7. plass i PostNord-ligaen (2. divisjon) avdeling 2 i årets sesong.

I haust spelte han 11 kampar for Sotra, som kom på 9. plass i same avdeling etter opprykket i fjor.

Keeper og visekaptein er klar for 2020

Tvillingbroren Stefan hadde 132 kampar for Florø før han gjekk til Åsane, der han spelte 2 kampar for A-laget og 6 for Åsane 2 i vår. I sommar kom han til Lysekloster og var på banen i 13 kampar i haust.

Blant andre spelarar som er med vidare for Lysekloster er keeper Maciej Raniowski, som starta alle kampar i år og heldt nullen i 11 av dei, visekaptein Thorvald Trætteberg, Håkon Brautaset, som kom frå Hødd til Lysekloster på tampen av overgangsvindauget, og flittige og raske Eirik Jacobsen.