Draumar blei oppfylte: Fekk vera modell for ein dag
Det var full feststemning då Torsdagsklubben arrangerte moteshow på Nore Neset ungdomskule. Etter showet fekk modellane ei overrasking.
Det var ein ekstra staseleg kveld i amfiet på Nore Neset ungdomskule då leiinga i Torsdagsklubben arrangerte moteshow.
Heile 18 modellar gjekk på catwalken i flotte antrekk frå Madam Ane og fottøy frå Moberg Sko.
13 av modellane var jenter frå Torsdagsklubben, medan 5 var personal og frivillige.
– Nore Neset ungdomsskule var pynta til trengsel denne kvelden, seier Aktivitetsleiar Bente Borghild Hauge i ei pressemelding.
To jenter frå Os barneskule starta showet med ein vennskapsdans.
DJ Kalle sto for musikken heile kvelden og Lille Ballong stilte opp med ein lekker dekorasjon.
Med boblar i glaset og lekker mat frå Kafe Kuli var det ikkje mangel på stemning i lokalet.
Slo på stortromma
– Torsdagsklubben er ein klubb med supersosiale og flotte menneske. Denne vennegjengen har lidd av isolasjon og har vore einsame under koronapandemien.
– Og i over to år har de lengtet tilbake til det normale livet, og til vennen sine, seier Hauge.
Dette var bakteppet for at leiinga i Torsdagsklubben bestemte seg for å slå på stortromma, og laga ein stor og flott fest.
– Vi ønska å gjera noko heilt ekstra. Då kontakta vi Tove Tvedt Skarstein, for å høyre om ho ville vera med å bidra.
Ho var ikkje vanskeleg å be. Alle modellane fekk koma inn i butikken for å flotta seg og velja eit antrekk.
Bildeserie:
Instinct- butikken blei også kontakta.
Dessverre så våga ingen menn i Torsdagsklubben å vere modell.
Men Steinar (Prikken) Bøe stilte sporty opp som modell sjølv.
– Og vi var superheldige som fekk Sparebanken Vest med på laget, som sponsor.
– Dei eigde scenen
Nervøse modellar stod klare bak scena. Ny-sminka av Mariann Øvreeide, som har lang fartstid i TV 2, og iført flotte antrekk, heilt klare for catwalken.
– Ingen av dei hadde nokosinne gjort «alle jenters draum» før, å vera modell for ein dag.
Men den tøffe musikken frå Kalles høgttalarar og klappane frå publikum gjorde heile opplevinga så mykje lettere.
Bildeserie:
Nervøsiteten snudde etter dei to første stega ut på catwalken.
– Dei eigde scenen, dei såg ut til å nyta stunda på catwalken, seier Hauge.
Modellane fekk ein overrasking
Etter at alle modellane hadde fått skinne på catwalken, kalla Madam Ane-sjefen dei 13 modellane frå Torsdagsklubben fram på scenen igjen.
– Skarstein berømma alle for at dei hadde vore fantastiske modellar, og var så vakre i sine nye antrekk.
Så kom den store overraskinga. Skarstein fortalde at ho hadde kontakta leverandørane sine, og spurd om dei kunne tenka seg å sponsa modellane.
Og det ville dei. Alle dei 13 damane fekk kvart sitt nye antrekk til odel og eige.
– Først blei det dødsens stille i salen. Så stod jubelen i taket. Det blei jubla frå modellane si side, men også frå mødre, besteforeldre, venar og anna publikum.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.