Næringsliv | 10. mars 2019

Edel trevare i slitesterke vindu

MagnorVinduet treff så godt med eik at varene har blitt lagerførte.

Ronja Skaathun og Sturle Sørstrønen viser konstruksjonen, aluminium+kompositt+eik. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 10. mars 2019 10:12

Bildeserie:

Den unike konstruksjonen - enkelt forklart. (Ill: Magnorvinduet.no)
Eik og eikemønster i ulike kombinasjonar. (Ill: Magnorvinduet.no)
Eksempel på korleis vindu i eik kan harmonera med golv. (Foto: Magnorvinduet.no)
Vidar Hjelle og Even Olsen. Dei fleste på kontoret i Fana er frå Os. (Foto: KVB)
Fabrikken ligg 1,5 km frå svenskegrensa. (Arkivfoto: KVB)
Den unike konstruksjonen - enkelt forklart. (Ill: Magnorvinduet.no)
Eik og eikemønster i ulike kombinasjonar. (Ill: Magnorvinduet.no)
1 av 5
Eik og eikemønster i ulike kombinasjonar.  (Ill: Magnorvinduet.no)
Eksempel på korleis vindu i eik kan harmonera med golv. (Foto: Magnorvinduet.no)
Vidar Hjelle og Even Olsen. Dei fleste på kontoret i Fana er frå Os. (Foto: KVB)
Fabrikken ligg 1,5 km frå svenskegrensa. (Arkivfoto: KVB)
Den unike konstruksjonen - enkelt forklart. (Ill: Magnorvinduet.no)

H-vinduet Magnor AS har fabrikk i Magnor, 1,5 km frå svensegrensa, salskontor og administrasjon i Fana, og er eigd 100 % av Ole-Vidar Skaathun frå Os sitt selskap, Dahlsvegen Holding AS.

Selskapet omset for litt over 100 millionar kroner, og har gått med 5 til 10 millionar i overskot dei siste ti åra.

Suksessoppskrifta er aluminiumsvindauge og -dører med komposittkjerne som kjerne, for å bryta kuldebru, og treverk innvendig. Svært lang levetid er salsargument nummer éin, både til offentlege bygg, næringsbygg, hus og hytter.

Skreddersøm og design er ein annan styrke, noko som har fått kjente arkitektar som Todd Saunders og Lund Hagem inn på kundelista.

Ein eigen dimensjon

– I nyare tid er det lite som har skjedd med innvendige materialar og overflater på vinduer, fortel Ronja Skaathun frå Magnor-administrasjonen.

– Dette har vi gjort noko med. Eik gir ein helt ny dimensjon med omsyn til stil, estetikk og det å skapa eit eksklusivt preg.

Eik er ikkje berre robust, tresorten har eit mønster mange vil halda synleg gjennom nøytral behandling eller svak fargetoning av overflata.

– Mange har i dag vindauge heilt ned mot golvet. Med vindauge i eik kan rammer og tilsettingar på dører og vindauge harmonera betre med golv av edeltre, seier Skaathun.

Hamstrar eik for å unngå prishopp

No har også hardt og edelt treverk innvendig blitt lagervare.

– Vi lagde vindu med eik innvendig for 20 år sidan, men ikkje i det volumet vi held på med no, fortel salssjef Sturle Sørstrønen.

Det starta med lagerførte vindauge og dører med innvendig eik for seks år siad. Den førebels største leveransen var til eit sjukehus i Nederland i 2017.

– Den totale, internasjonale marknaden for eik er liten, derfor er råvaremarknaden følsom for store ordrar. Prisane kan brått gå opp, om etterspurnaden veks, forklarer Sørstrønen.

– Derfor har vi handla inn større parti og fått varene på lager. No kan vi kontroll på varekostnad, kan gi pris på strak arm og levera vindauge og dører på svært kort tid.

Sørstrønen fortel om ein geografisk veksande marknad.

– Dei siste åra har vi fått auka fotfeste på Austlandet, no har vi òg byrja å selja større volum i nord. Narvik og Andøya er stadar der dei forstår verdien av bygg som toler litt vêr.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.