Ei snekke på botn og ein båt på rek

I går gjekk ei snekke ned i Os hamn. Snekka ligg fortøydd på ein av pirane nedst i Oselvo.

– Brannvesenet har vore på staden og sjekka eventuell forureining. Det vart meldt om litt dieselutslepp.

– No ligg saka hos kommunen, seier politioverbetjent Anne Lyssand.

Politiet vil varsla eigar så vedkommande får fjerna båten sin.

Oppdatert: Familiemedlem av eigar seier at dei er på saka.

Båt på rek

I 14.40-tida i går vart det i tillegg meldt om ei båt på rek utanfor Haugland.

– Det vart funne ein båt på rek utan eigar. Meldar tek førebels vare på båten og dei som eventuelt saknar ein båt kan ta kontakt med politiet, seier Lyssand.