EM-kvalik: Får avgjerande kamp mot vertsnasjonen

Arna-Bjørnar-spelar Linnea Sælen frå Os blei matchvinnar då Norge slo Sverige i nordisk turnering i midten av september.

I desse dagar er ho i Ungarn for å spela endå viktigare landskampar; EM-kvalifisering for jenter 16.

Norge slo Bosnia-Hercegovina 3-0 i opningskampen i den første runden.

Linnea spelte frå start og heile første omgang. Tomine Svendheim (2) og Signe Amalie Strømnes skåra måla.

I går sto Tsjekkia for tur.

Norge leia 1-0 tilpause, men tapte 1-2.

Linnea Sælen spelte frå start og heile kampen.

– Tsjekkia hadde to sjansar og skåra to mål. Sånn er det i internasjonal fotball. Når vi ikkje skårar sjølv, kan vi bli straffa og få mål imot, seier landslagstrenar Bengt Sæternes til fotball.no.

Tredje og siste kamp går mot vertsnasjonen Ungarn tysdag.

Heime på norsk jord står sluttspelet i Toppserien for tur for Linnea og Arna-Bjørnar.

Toppserien er delt i sluttspel mellom dei beste og resten. I sistnemte sluttspel leiar Arna-Bjørnar avdelinga etter 5 av 7 kampar.

Tabell og terminliste på fotball.no