Får fleire meldingar om svindelforsøk og brot på bandtvangreglane

På tampen av påsken, måndag 1. april, var det bandtvang igjen.

Bjørnafjorden kommune har si eiga forskrift, som går utover dei nasjonale.

Les ògBandtvang frå i morgon

– Dei siste dagane har vi fått inn fleire meldingar om lause hundar ulike stadar i bygda, fortel politiførstebetjent Morten Haugland.

Det er presisert at bandtvang betyr at hunden skal vera fysisk i band, eller forsvarleg inngjerda. Det er ikkje tilstrekkeleg at hunden er under kontroll og i følge med eigar.

I Bjørnafjorden kommune er det bandtvang til og med 30. september.

Politiet opplever òg at det for tida er fleire tilfelle av forsøk på bedrageri over internett.

– Ver merksam på å ikkje opna linkar mottat frå ukjente avsendarar.

– Eposten du mottar kan sjå truverdig ut, med logo og kjent firmanamn som avsendar, men sjekk kva epostadresse som eigentleg er avsendar. Den kan avsløra at vedkomande ikkje er frå firmaet som står som avsendar.