Fekk forelegg for manglande lys

Politiet i Os fortel om ei roleg helg så langt.

– Fredag kveld klokka 23.30 kom det klage på høg musikk frå ei adresse sør for Os sentrum. Patrulje var på staden og gav pålegg om å dempa musikken, noko det ser ut som om dei etterkom, fortel vakthavande ved Bjørnafjorden politistasjon.

To timar seinare, i 01.30-tida natt til laurdag, stoppa dei ein bil som mangla eitt lys både framme og bak på bilen.

– Bilførar fekk eit forelegg på 2.800 kroner. Forelegget blei vedtatt.

Politiet har ikkje noko for media i loggen frå laurdag kveld eller natt til søndag.