Fem komikarar inntar Oseana i kveld

– Ein av dei kan bli vanskeleg å styra, seier konferansier Christoffer Schjelderup.

Jon Hægland frå Os og Christoffer Schjelderup FANA! står på scenen i Oseana i kveld. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 25. juni 2021 15:19

Vår mest lokale standupfigur, Jon «Nye-Maggen» Hægland, står på scenen i Oseana i kveld, men han er ikkje åleine.

På sommarstandupen er det fem på plakaten; Christoffer Schjelderup, Rune Lothe, Eirik Del Barco, Jan Tore Kristoffersen og osingen Jon Hægland.

– Vi har halde hjula i gang med klubbkveldar på Rick's i vinter og vår. Eg var jo rask med å teikna meg opp på mange show då det var koronamidlar i lufta, seier Jon og ler.

I periodar har det vore grense på 10 publikummarar - og ingen alkoholservering.

– Det var heldigvis rikeleg med alkohol backkstage! seier Jon.

– Nokre gongar var det utselt, men to som ikkje kom Vi gjorde standup for åtte publikummarar. Stappfullt! supplerer Christoffer.

Schjelderup, som hadde Jan Tore Kristoffersen med seg på show i Oseana då korona var fersk i fjor, prøvde då å lokka publikum med denne videoen.

Det fungerte.

Mange kom. Alle lo godt.

Les ògFylte salen med nøgd publikum

Christoffer Schjelderup er konferansier i kveld.

«What a waste!» tenkjer du kanskje, om å bruka ein stødig Fana-snobb, som køyrer eigne soloshow, som konferansier.

Men på show med fleire komikarar er ikkje konferansieren ein som anonymt introduserer andre, han er gjerne den du høyrer mest av.

– Korleis blir det å styra desse fire kollegaene i kveld?

– Det blir enkelt, og Gøy. Kanskje med unntak av Eirik Del Barco. Han hadde 7 minutt på seg sist gong, men fekk foten og blei ståande i 15. Derfor har vi sett han sist i dag. Han blir hovudattraksjonen, seier kveldens ordstyrar.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.