– Fleire hadde alt i orden i dag

Statens vegvesen hadde trafikkontroll på Halhjem ferjekai på E39 på dagtid onsdag.

Alle kjøretøy som var innom kontrollplass blei slått opp i vegvesenet sitt kontrollsystem for å sjekka periodisk kontroll og forsikring.

– Det var 21 kjøretøy over kontrollplass, av desse blei 7 tunge plukka ut til full kontroll, fortel John Kåre Larsen frå Statens vegvesen i rapporten frå kontrollen.

Fire bruksforbod

Larsen fortel at fleire hadde alt i orden, men det blei samtidig gitt 4 bruksforbod blant dei 7 kontrollerte.

Den eine fekk bruksforbod grunna gjenstandar i siktsona, to andre fekk bruksforbod for tørr svingskive og dårleg sikring av last.

Dei kom seg likevel vidare, ved å smøre svingskive og sikra lasta betre.

Ein utanlandsk semitrailer fekk gebyr og bruksforbod for manglande vognkort på hengar. Han måtte skaffa dokumentasjon før han fekk køyra vidare.