Flott siger til Lysekloster

Lysekloster tok i dag sine første poeng i 3. divisjon.

Etter 3-0-tapet for Os i serieopninga på Kuventræ var Lysekloster i dag suverene.

Lysekloster – Vaulen 5-1 (2-0)
Målskårarar, Lysekloster: Kim Kleivedalen 2, Johannes Jordal, Martin Eidsvik og Joakim Hovden. Hovden blei kåra til dagens Lysekloster-spelar.

Kleivedalen skåra begge dei første måla. Jordal auka til 3-0 tidleg i andre omgang, Eidsvik la på til 4-0 før gjestane reduserte på straffe. Hovden sette inn 5-1-målet.

– Eg synest vi var litt slurvete med pasningsspelet i første omgang.

– Men etter pausen spelte vi bra og skapte mykje, seier trenar Thomas Sandal.

Vaulen hadde ein god keeper, og han fekk det travelt i 2. omgang.

Full pott til andrelaget

Lysekloster 2, som også rykte opp i haust, har hatt ein god start i 5. divisjon.

Første kamp enda med 1-0-siger over Løvstakken på heimebane, fredag spelte Lysekloster 2 borte mot Rosendal og vann heile 5-0.

– Det er veldig gledeleg med slike resultat for andrelaget, dette viser at vi har ein brei stall og mange som bankar på døra til 3. divisjonsspel.

Kort og godt

I kampen mot Os blei det delt ut gult kort til over halve Lysekloster-laget.

– Det var nok ein del høge skuldre og litt frustrasjon. Førebels er ikkje dette med kort noko vi tenkjer så mykje på, men eg er glad vi ikkje fekk fleire i dag, at vi held oss unna karantener lengst mogleg.

Jamn start i avdelinga

Os speler sin andre runde i morgon, borte mot Fyllingsdalen 2.

Begge laga har sjanse til å stå igjen med 6 poeng, noko berre to andre lag har klart til no i avdelinga.

Øystese og Kopervik har vunne begge sine første, resten har minst eitt tap, bortsett frå Os og Fyllingsdalen 2.

Sjå tabell, 3. divisjon avdeling 7.