Førarkortbeslag etter utforkøyring

Laurdag i 21.30-tida hamna ein bil utfor vegen nær Lyseparken i Endelausmarka.

– Ingen blei skadd. Den unge bilføraren fekk bilen på vegen igjen sjølv, fortel politioverbetjent Atle Birkeland.

Det er ikkje mistanke om promille.

– Grunna andre forhold på staden blei det likevel tatt beslag i førarkortet, opplyser politiet i rapporten frå laurdag.

– Det var kuldegradar og glatt, men bilisten køyrde med sommardekk, opplyser Birkeland.

Det er uvisst om utforkøyringa var i 100-sona eller på ein av avkøyringane eller fylkesevegen i området.