Frontkollisjon i Lysefjorden
To bilar har kollidert nær Søvikvågen.
Fredag klokka 06.55 fekk Vest politidistrikt melding om trafikkulykke på Søvikvegen.
– To bilar er involvert. Det er til saman fem personar i bilane, fortel politiet.
Seinare oppdaterer dei med at alle fem i bilane er oppegåande, men at ingen av bilane er køyrbare etter samanstøyten.
110-sentralen fortel om svært glatte vegar i området.
OPPDATERT:
– Det var fire personar i den eine bilen, der bilførar er ein mann i 50-åra. I den andre bilen var ein tenåring åleine, seier politioverbetjent Christine Grindstein.
Ingen av dei involverte er born.
– To personar er frakta til Haukeland for sjekk, dei tre andre til lokal legevakt.
Det er ikkje mistanke om rus, det er heller ikkje tatt beslag i førarkort.
– Det var svært glatt på staden, fortel politiet.
Vegen var blokkert etter uhellet, og i skrivande stund kan det framleis sjå ut som om det er kø på staden.
Bergingsbil er rekvirert.
OPPDATERT: Vegen opna rundt klokka 08.15.
Også torsdag ettermiddag var det trøbbel på glatten. Då var det ein bil som velta på Hegglandsdalsvegen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.