Fylket løyver pengar til breibandutbygging

Bjørnafjorden er blant dei 11 kommunane som får støtte.

Gamledagar møte moderne tider når Lønningdal går frå koparleidning over fjellet til fiber rett i husveggen. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 29. juni 2021 11:29

Vestland fylkeskommunen deler ut midlar til breibandutbygging til 12 prosjekt i 11 kommunar.

Pengane skal delfinansiera utbygging i område der utbygging ikkje er kommersielt lønsamt, og gi hustandar og verksemder som i dag har under 30 Mbit/s breiband betre dekning.

Kommunane som no får midlar er Kinn, Ulvik, Hyllestad, Høyanger, Stad, Alver, Vaksdal, Fjaler, Voss, Bjørnafjorden og Gulen. Dette skjer på bakgrunn av vedtak i hovudutval for næring.

– Det er svært gjeldeleg at vi kan gi støtte til så mange av prosjekta som har søkt om midlar. Breibandutbygginga er ei viktig satsing for å sikre god digital infrastruktur i heile Vestland. Dette er grunnleggande både for innbyggarar, næringsliv og offentlege tenester i fylket, seier Tor André Ljosland, leiar i hovudutval for næring i ei pressemelding.

I Bjørnafjorden kommune er det Lønningdal og Midtsæter som får midlar i denne omgang. Løyvet er på 400.000 kroner.

Fleire prosjekt kan få støtte om fylkeskommunen får ekstra midlar gjennom revidert nasjonalbudsjett. I fjor sto Lønningdal og Bogstrand på venteliste med håp om 2,1 millionar.

Tidlegare har Gåssand og Sørstrøno vore blant dei siste som fekk raskare internett.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.