– Gjer dei dette så vi skal gle oss meir til E39-opning?

Trafikken på E39 Osveien mot Bergen går seint denne morgonen òg.

Den siste halvtimen har køen gått frå Er-An på Røykenes til toppen av Vallaheiane, der det har lausna.

Fv 5164 Hamreveien er framleis stengt, og det har vore vegarbeid både på Bahus og Vallaheiane i natt.

Torsdag morgon i førre veke gjekk trafikken mot Bergen på E39 Osveien uvanleg seint, med kø frå Kaland mot Skjoldskiftet.

Årsaka då var vegarbeid på Vallaheiane som skulle vore avslutta klokka 06 om morgonen, men hadde drøya til 07.

– Gjer dei dette for at vi skal gle oss endå meir til opning av ny E39? skriv ein lesar i ei melding til redaksjonen.

Vegtrafikksentralen opplyser til Midtsiden at vegarbeidet på Bahus truleg ikkje har påverka morgontrafikken.

– Vi har heller ikkje fått melding om at arbeidet på Vallaheiane har drøya utover klokka 06, men vi har akkurat fått opplyst at det er ein skarp asfaltkant der arbeidet har gått i natt, og at trafikken derfor bremsar opp.

– Vegarbeid to stadar og stengt på Hamreveien, dette kunne ikkje ha venta nokre veker til ny E39 opnar?

– Hamrevegen er stengt på grunn av legging av nyttvatn og avlaup under Kismulvegen. Det arbeidet har pågått lenge, og no kome fram til Hamrevegen, som må kryssast.

Ny E39 Svegatjørn-Rådal skal opna måndag 31.oktober.