God 1500 meter av Sverre

– Ut frå tidlegare resultat denne sesongen har eg større sjanse på 1500 meter enn på 5000, sa Sverre Lunde Pedersen til Midtsiden i går.

Sverre gjekk ein god 5000 meter då han debuterte i OL førre helg. Det blei 6.18,84 og 5. plass på osingen, som blei seniorløpar i fjor.

På 1500-meteren i dag gjekk Sverre mot OL-favoritt Denis Yuskov, regjerande verdsmeister, i 19. og siste par.

Paret gjekk jamt, men låg heile vegen litt bak teten.

Sverre gjekk inn på 1.45,66, på førebels 7. plass før siste par, Yuskov sneik seg inn på førebels 3. plass.

I siste par gjekk Koen Verweij inn på 1.45,00, tre tusendel bak Brodka som tok gull.

Sverre landa på 8. plass, Bøkko på 6. plass, av dei til saman 40 deltakarane på distansen.

Regjerande olympisk meister Mark Tuitert gjekk i 13. par inn på førebels bestetid før paret Håvard Bøkko og Denny Morrison gjekk på isen.

Bøkko gjekk inn på ein førebels 3. plass, 26 hundredelar bak Morrison, som tok leiinga framfor Tuitert.

I 17. par kom polske Brodga og tok leiinga med 1.45,00.