God sesongstart av Karoline og Kristian
Karoline køyrde seg opp til A-finale i første NM-runde i rallycross, Kristian tok 2. plass i C-finalen i bilcross.
I månadsskiftet april-mai gjekk første runde i vestlandsmeisterskapen av stabelen i Vikedal.
Kristian Breivik Gjøen køyrde inn på 2., 3. og og 5. plass i innleiande rundar og fekk 3. spor i C-finalen.
Han leia C-finalen ei stund, men landa på 2. plass, totalt 12. plass av 24 startande.
Karoline, som har oppgradert til Volvo med 340 hk, bruker vestlandsmeisterskapen til å bli vant med bilen (mens ho framleis køyrer Toyota i NM).
– Det er veldig stor forskjell å køyra bakhjulstrekk, men eg byrjar å bli litt vant med det, seier Karoline, som køyrer rallycross.
Les òg: Sesongstart med 340 hk
Ho kom inn på 1., 3. og 4. tid av tre deltakarar og fekk 3. spor i A-finalen.
NM-runde i helga
Første NM-runde i rallycross var i Skien no i helga.
Etter 4., 5., 5. og 6. tid i innleiande, av 14 deltakarar, fekk Karoline beste spor i B-finalen.
Der køyrde ho seg opp til A-finale der ho landa på ein meir enn godkjent 6. plass.
– Det er mange nye bilar i klassen i år og nivået har blitt mykje høgare, så eg er veldig nøgd med å kvalifisera meg til A-finalen, seier Karoline.
Ho er ikkje heilt nøgd med bilen, der skal det bli jobba med «den siste gneisten» før neste NM-runde, som går på Gardermoen neste helg.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.