Torsdag i 20-tida kom politiet over nokre gutar som hadde gjort skadeverk på ein benk ved Os Aktiv.
– Gutane er i ungdomsskulealder, og foreldra blei kontakta, opplyser vakthavande ved Bjørnafjorden politistasjon.
I 21-tida stoppa politiet ein lett MC der passasjer ikkje hadde hjelm på seg.
Passasjeren fekk eit gebyr på 1.500 kroner.
Både førar og passasjer er under 18 år.
Klokka 00.50 natt til fredag fekk politiet melding om ein påkøyrd, død katt.
Vegtrafikksentralen blei varsla, og ville senda ut mannskap for å fjerna katten.
