Har fått melding om mogleg tjuvstart på hummarfisket

Det nærmar seg sesong for hummarfiske, men startskotet har ikkje gått.

Politiet har fått melding om at enkelte likevel ser ut til å vera i gang.

– Det skal vera registrert noko som liknar på hummarfiske i Lysefjorden utanfor Drange, opplyser vakthavande ved Bjørnafjorden politistasjon.

Hummarfisket startar som kjent søndag 1. oktober klokka 08.

– Vi har varsla vidare til Fiskeridirektoratet.

– Samtidig oppmodar vi alle med plan om å delta i årets hummarfiske om å setja seg inn i reglane.

Reglane inkluderer påmelding, fluktopning og merking. Les alle på fiskeridir.no

Politiet har òg fått melding frå nokon som er bekyrma for trafikktryggleiken på Kuventræ.

– Bekymringa handlar om køyring med lett MC på ein måte som skapar farlege situasjonar for barn og unge som ferdast i området.

– Vi vil følgja med på Kuventræ i tida framover.