Utset arbeidet med fredingssoner for hummar

Planlagt folkemøte 5. mai er avlyst.

Hummar førebudd til oppbevaring utan risiko for å skada andre. (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 22. apr. 2022 14:43

Både den politiske saka og det vidare arbeidet med fredingssoner for hummarfiske er utsett til seinare i 2022.

Det opplyser kommunen via heimesida si i dag.

Folkemøtet om fredingssoner for hummarfiske som skulle haldast 5. mai er avlyst.

Alternativ 1A vekte mest motstand, område 2A førte til spørsmål om habilitet. (Kart: Bjørnafjorden kommune)

Forslaga til fredningsområde, særleg forslaget om freding i Øyane, skapte stor motstand både blant innbyggarar, politikarar og hos barnetalsperson i kommunen sin administrasjon.

Men det var området utanfor Vinnes som førte til at saka ikkje blei avgjort i kommunestyret 31. mars.

Uavhengig representant Magne Djuvik påpeikte at saksbehandlar sjølv har eigedom som grensar til to populære hummarfiskeområde - og at han driv næringsverksemd på denne eigedomen.

Djuvik ba om at habiliteten til saksbehandlar, Arne-Richard Stadaas, blei vurdert.

Det enda med at kommunestyret gjekk inn for å utsetja saka, noko kommunen i dag presiserer gjeld også forbi den planlagde datoen for folkemøtet i mai.

Del 1 (7 min)

Del 2 (20 min)

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.